ក្រសួងការបរទេសថា បានប្រឹងប្រែងជួយបញ្ឈប់ការរំលោភបំពានលើស្ត្រី
កាលពីថ្ងៃសុក្រ ក្រសួងការបរទេសបានការពារស្ថានទូតនិងស្ថានកុងស៊ុលខ្មែរនៅប្រទេសចិន ដែលត្រូវគេចោទថា មិនបានយកចិត្តទុកចំពោះស្ត្រីខ្មែរ ដែលកំពុងរងគ្រោះនៅទីនោះ និងបាននិយាយថា ខ្លួនបានខិតខំជួយទប់ស្កាត់មិនឲ្យមានស្ត្រីខ្មែរត្រូវគេលក់ទៅឲ្យផ្ទះបន ឬការរៀបការដោយបង្ខំ។ ក្នុងសេចក្តីថ្លែងការណ៍មួយ ក្រសួងនេះបានឆ្លើយតបទៅនឹងការអះអាងពីសំណាក់អង្គការសិទ្ធិមនុស្ស និងជនរងគ្រោះ ដែលលើកឡើងថា ស្ថានទូតនៅទីក្រុងប៉េកាំង និងស្ថានកុងស៊ុលក្នុងប្រទេសចិន មិនយកចិត្តទុកដាក់ជួយស្ត្រីខ្មែរ ដែលបានរត់គេចចេញពីស្ថានភាពរំលោភបំពាន បន្ទាប់ពីត្រូវបានលក់ និងបង្ខំឲ្យរៀបការដោយមេខ្យល់ដែលបានសន្យាថា នឹងរកប្តី អ្នកមាន ឬការងារមានប្រាក់ខែខ្ពស់។ …
គុច ណារ៉េន
http://www.cambodiadailykhmer.com/news/18088/
